ஃபோர்ப்ஸ் பத்திரிக்கையில் இடம் பெற்றார் நடிகை சாய்பல்லவி.

வெவ்வேறு துறைகளில் பிரபலமாகத் திகழும் 30 வயதுக்குட்பட்ட 30 டாப் இந்தியர்களின் பட்டியலை அமெரிக்காவின் பிரபல பத்திரிகையான ஃபோர்ப்ஸ் அண்மையில் வெளியிட்டது.

இந்த டாப் 30 இந்தியர்கள் பட்டியலில் இடம்பிடித்த ஒரே நடிகை என்ற பெருமையைப் பெற்றுள்ளார் நடிகை சாய் பல்லவி. இவர் பொழுதுபோக்கு துறையில் இடம்பெற்றுள்ளார்.
இவரோடு யூட்யூப் புகழ் புவன் பம்-மும் இடம்பெற்றுள்ளார்.

இது குறித்து சாய் பல்லவி கூறுகையில், போர்ப்ஸ் பட்டியலில் இடம் பெற்றுள்ளதை நான் மிகவும் மகிழ்ச்சியாக உணர்கிறேன் என்றார்.

தமிழ், தெலுங்கு, மலையாளம் உள்ளிட்ட மொழிகளில் நடித்து வரும் இவர், ஹீரோயினுக்கு முக்கியத்துவம் உள்ள கதாபாத்திரங்களைத் தேர்ந்தெடுத்து நடித்து வருகிறார்.

தற்போது நாக சைதன்யாவுக்கு ஜோடியாக இயக்கத்தில் ‘லவ் ஸ்டோரி’ என்ற படத்தில் நடித்து வருகிறார் சாய் பல்லவி.