இந்த ஆண்டு நடைபெறும் 92 வது ஆஸ்கர் விருதுக்கு “ஜோக்கர்” (Joker) திரைப்படம் 11 விருதுகளுக்கு பரிந்துரைக்கப்பட்டுள்ளது. அதோடு ஒன்ஸ் அபான் டைம் இன் ஹாலிவுட் (Once upon a time in Hollywood), தி ஐரிஷ்மேன் (The Irishman), 1917 உள்ளிட்ட திரைப்படங்கள் 4 விருதுகளுக்கு பரிந்துரைக்கப்பட்டுள்ளது.
ஒன்ஸ் அபான் டைம் இன் ஹாலிவுட்- படத்திற்காக – லியனார்டோ ட காப்ரியோவும் (Leonardo D’ caprio) , ஜோக்கர் படத்திற்காக ஜாக்வைன் ஃபீனிக்ஸ் (Joaquin Phoneix) ம் உள்ளிட்டோரும் சிறந்த நடிகருக்கான பட்டியலில் இடம்பெற்றுள்ளனர்.
கோல்டன் குளோப் விருதில் சிறந்த நடிகருக்கான விருதினை வென்ற ஜோக்வின் ஃபீனிக்ஸ் ஆஸ்கரிலும் சிறந்த நடிகர் விருதை வெல்வார் என்றே பலரும் கருதுகின்றனர்.
ஸ்கேர்லட் ஜான்ஸன் (Scarlet Johnson) மேரேஜ் ஸ்டோரி (Marriage story) படத்திற்காக சிறந்த நடிகைக்கான பட்டியலில் இடம்பெற்றுள்ளார். வரும் பிப்ரவரி 9ம் தேதி ஆஸ்கர் விருது வழங்கும் நிகழ்ச்சி அமெரிக்காவின் லாஸ் ஏஞ்சல்ஸ் நகரில் நடைபெற உள்ளது.
24 பிரிவுகளில் இந்த விருது வழங்கப்பட்டு வருகிறது. யாரெல்லாம் ஆஸ்கார் விருது வாங்குகிறார்கள் என்கிற எதிர்பார்ப்பை போல், இந்த oscar awardவிழாவை தொகுத்து வழங்குவது யார் என்பதும் ரசிகர்கள் மத்தியில் கவனம் பெறும். ஆஸ்கார் விருதுகள் வழங்கும் விழா கடந்த ஆண்டை போலவே இந்த ஆண்டும் தொகுப்பாளர் இன்றி நடைபெறும் என தெரிவிக்கப்பட்டு உள்ளது.