இயக்குநர் பொன்ராம் இயக்கத்தில் நடிகர் சிவகார்த்திகேயன் நடிப்பில் வெளியான வருத்தப்படாத வாலிபர் சங்கம் படத்தின் மூலம் பிரபலமானவர் பவுன்ராஜ். இந்த படத்தில் இவரின் நடிப்பு பெரிதும் பேசப்பட்டது.
அதனையடுத்து இவர்கள் கூட்டணியில் மீண்டும் உருவாகி மாபெரும் வெற்றி பெற்ற ரஜினி முருகன் படத்திலும் பவுன்ராஜ் நடித்திருந்தார். இப்படத்தின் இவரது வாழைப்பழ நகைச்சுவை கட்சி பெருதும் பேசப்பட்டது. இந்நிலையில் நடிகர் பவுன்ராஜ் மாரடைப்பால் இன்று உயிரிழந்துள்ளார். இவரின் மறைவுக்கு திரை பிரபலங்கள் முதல் ரசிகர்கள் வரை இரங்கல் தெரிவித்து வருகின்றனர்.
அந்த வகையில், பவுன்ராஜ் மறைவுக்கு நடிகர் சூரி இரங்கல் தெரிவித்துள்ளார். இது தொடர்பாக அவர் வெளியிட்டுள்ள ட்விட்டர் பதிவில், “அண்ணன் பவுன்ராஜுடன் நடிச்சது இன்னும் அப்படியே மனசுல பசுமையான நினைவுகளாக இருக்கு. அப்படி ஒரு இயல்பான நகைச்சுவை நடிகன்! அண்ணனின் ஆன்மா சாந்தியடைய இறைவனை வேண்டுகிறேன்” எனக் குறிப்பிட்டுள்ளார்.