மிகவும் எதிர்பார்ப்பில் உள்ள அஜித் நடித்துள்ள ‘வலிமை’ படத்தின் வெளியீட்டுத் தேதியை போனி கபூர் அறிவித்துள்ளார்.
நேர்கொண்ட பார்வை படத்தை தொடர்ந்து அஜித்குமார், எச்.வினோத், போனி கபூர் இணைந்த படம் வலிமை. இதற்கான படப்பிடிப்பு 2019-ம் ஆண்டு டிசம்பர் மாதம் தொடங்கியது. பின்னர் இரண்டு ஊரடங்குகளைக் கடந்து வலிமை படக்குழு படப்பிடிப்பை முடித்தது.
இதனால் வலிமை தீபாவளி வெளியீடு, கிறிஸ்துமஸ் வெளியீடு என்று பல்வேறு வெளியீட்டுத் தகவல்கள் வெளியாகி வந்தன.
இந்த நிலையில் வலிமை அடுத்த ஆண்டு பொங்கல் பண்டிகைக்கு வெளியாகும் என தயாரிப்பாளர் போனிகபூர் அறிவித்துள்ளார். இந்தப் படத்தை தீபாவளியை முன்னிட்டு நவம்பர் 4-ம் தேதி வெளியிட திட்டமிட்ட நிலையில், ரஜினிகாந்த் நடித்துள்ள அண்ணாத்த திரைப்படத்துடன் வலிமை வெளியிட வேண்டாம் என அஜித் கூறியதால் வலிமை படத்தின் வெளியீடு பொங்கலுக்கு தள்ளிச் சென்றுள்ளது.
கடந்த 2019 ஆம் ஆண்டு பொங்கல் பண்டிகைக்கு பேட்ட மற்றும் விஸ்வாசம் ஆகிய படங்கள் வெளியாகின. இதனால் இருவரின் ரசிகர்கள் இடையே கருத்து வேறுபாடு ஏற்பட்டு ஒருவரை ஒருவர் கடுமையான வார்த்தைகளால் சாடிக்கொண்டனர். இதனை அஜித் விரும்பபில்லை.
அடுத்ததாக அந்தப் படத்தை அஜித்தின் நண்பர் சிவா இயக்கியுள்ளார். இந்த இரண்டு காரணங்களாலே வலிமை படத்தை தீபாவளிக்கு வெளியிட வேண்டாம் என்று உறுதியாக கூறியுள்ளார்.
இதனிடையே பொங்கல் பண்டிகைக்கு இன்னும் 100 நாட்களுக்கு மேல் இருப்பதால் ரசிகர்களை திருப்திபடுத்த படத்தின் Glimlse, டீசர், டிரைலர் ஆகியவற்றை அடுத்தடுத்து வெளியிட படக்குழுவினர் திட்டமிட்டுள்ளனர்.