நடிகை ரம்யா பாண்டியன் விஜய் தொலைக்காட்சியில் ஒளிபரப்பான “குக் வித் கோமாளி” மற்றும் “பிக் பாஸ்” நிகழ்ச்சிகளின் மூலம் மக்களிடையே பிரபலமடைந்தவர். இவர் கடந்த 2016 ஆம் ஆண்டு இயக்குனர் ராஜ் மோகன் இயக்கத்தில் வெளியான ஜோக்கர் படத்தின் மூலம் தமிழ் சினிமாவில் நடிகையாக அறிமுகமானார். பின்னர் ஜோக்கர் படத்தின் மூலம் அவரின் நடிப்பு பெரிதும் பேசப்பட்டது.
அதற்கடுத்து ரம்யா பாண்டியன் நடிப்பில் வெளியான ஆண் தேவதை, டம்மி பட்டாசு திரைப்படங்கள் சொல்லி கொள்ளுமளவிற்கு பெரிதாக வெற்றி பெறவில்லை. இந்நிலையில் தற்போது ரம்யா பாண்டியன் நடிகர் சூர்யாவின் 2D நிறுவனம் தயாரிக்கும் படத்தில் நடிகையாக ஒப்பந்தமாகியுள்ளார்.
அறிமுக இயக்குனர் அரிசில் மூர்த்தி இயக்கவுள்ள இப்படம் முழுக்க முழுக்க நாயகியை மையப்படுத்தி எடுக்கப்படவுள்ளது. படத்தின் மற்ற கதாபாத்திரங்கள் தேர்வு செய்யும் பணிகள் முழுவீச்சில் நடந்து வருவதால் விரைவில் படப்பிடிப்பு துவக்கும் என படக்குழு தரப்பிலிருந்து கூறப்படுகிறது.
#surya #surya2d #ramyapandiyan #bigboss #cookwithcomali #pugazh #tamilmovie #tamilthisai #tamilcinema #actorsurya