நடிகர் விக்ரம் இயக்குனர் கார்த்திக் சுப்பராஜ் இயக்கத்தில் “விக்ரம் 60” படத்தில் நடிக்கவுள்ளார். இதில் விக்ரமும் அவரது மகன் த்ருவ் விக்ரமும் இணைந்து நடிக்கவுள்ளனர். தற்காலிகமாக ‘சீயான் 60’ எனப் பெயரிடப்பட்டுள்ள இப்படத்தை லலித் தயாரிக்கிறார்.
இயக்குனர் கார்த்திக் சுப்பராஜ் படத்தின் ஆரம்பகட்ட பணிகளை முடித்துள்ள நிலையில் விக்ரமுக்கு ஜோடியாக சிம்ரன் நடிக்கவுள்ளார். வாணி போஜன், பாபி சிம்ஹா இப்படத்தின் முக்கிய கதாபாத்திரத்தில் நடிக்கவுள்ளனர்.
முதலில் அனிருத் இசையமைப்பதாக இருந்த இப்படத்திற்கு தற்போது சந்தோஷ் நாராயணன் இசையமைப்பாளராக ஒப்பந்தம் செய்யப்பட்டுள்ளார். அண்மையில் தொடங்கிய இப்படத்தின் படப்பிடிப்பு முழு வீச்சில் நடைபெற்று வரும் நிலையில் தற்போது நடிகர் சனந்த் “சீயான் 60” படத்தின் நடிக்கவுள்ளதாக படக்குழு அறிவித்துள்ளது. இவர் ரஜினி நடிப்பில் வெளியான பேட்ட படத்தில் நடித்திருந்தது குறிப்பிடத்தக்கது.
#chiyaan #chiyaan60 #vikram #dhruvvikram #tamilmovie #tamilcinema #tamilthisai #bobbysimha #kollywood #cinema #CineUpdate #karthiksubbaraj #cobra #simran #vanibhojan #movie #cinematrending #sananth #pettamovie