நடிகர் சிவகார்த்திகேயன் பிறந்தநாளை முன்னிட்டு டாக்டர் படத்தின் அப்டேட் குறித்து தகவல் வெளியாகியுள்ளது.
தமிழ் சினிமாவில் தனது திறமையின் மூலம் ரசிகர்களை கவர்ந்தவர்களில் சிவகார்த்திகேயனும் ஒருவர். சின்னத்திரையில் ஆரம்பித்து பெரிய திரையிலும் அவர் மேலும் மேலும் தன்னை வளர்ந்து கொண்டிருக்கிறார் . ஹீரோ படத்தை அடுத்து நடிகர் சிவகார்த்திகேயன் அடுத்ததாக அயலான், டாக்டர் ஆகிய படங்களில் அடுத்தடுத்து நடித்து வருகிறார்.
இதற்கிடையில் நடிகர் சிவகார்த்திகேயன் நாளை தனது பிறந்தநாளை கொண்டாடுகிறார். சிவகார்த்திகேயன் பிறந்தநாளை அவரது ரசிகர்கள் தமிழகம் முழுவதும் கொண்டாட ஏற்பாடு செய்யப்பட்டுள்ளது.
இதனை முன்னிட்டு அவர் நடித்து வரும் ‘டாக்டர்’ படத்தின் ஃபர்ஸ்ட் லுக் போஸ்டர் நாளை வெளியாகும் என அறிவிக்கப்பட்டுள்ளது.
இயக்குநர் நெல்சன் திலீப்குமார் இயக்கும் இப்படத்திற்கு இசையமைப்பாளர் அனிருத் இசையமைக்கிறார். நாளை காலை 11.03 மணிக்கு ஃபர்ஸ்ட் லுக் போஸ்டர் வெளியாக உள்ளதால் ரசிகர்கள் உற்சாகமடைந்துள்ளனர்.