நடிகை மியா ஜார்ஜ் தந்தை காலமானார்

நடிகை மியாவின் தந்தை ஜார்ஜ் ஜோசப் காலமானார். அவருக்கு வயது 75. மியா ஜார்ஜின் தந்தை மரண செய்தி அறிந்த திரையுலகினரும், ரசிகர்களும் தங்களின் ஆழந்த இரங்கலை தெரிவித்து வருகிறார்கள்.

தமிழ் திரையுலகில் ஆர்யாவின் சகோதரர் சத்யா நடித்த அமரகாவியம் என்ற திரைப்படத்தின் மூலம் நடிகையாக அறிமுகமானவர் மியா ஜார்ஜ். அதன்பின்னர் இன்று நேற்று நாளை, வெற்றிவேல், ஒரு நாள் கூத்து, எமன் உள்ளிட்ட படங்களில் நடித்தவர். தற்போது அவர் இன்று நேற்று நாளை 2, கோப்ரா ஆகிய படங்களில் நடித்து வருகிறார்.

இந்தநிலையில் மியா ஜார்ஜின் தந்தை ஜார்ஜ் ஜோசப் அவர்கள் நேற்று காலமானார். ஜார்ஜ் ஜோசபின் இறுதிச் சடங்கு கோட்டயத்தில் இருக்கும் புனித அகஸ்டின் தேவாலயத்தில் இன்று நடைபெறுகிறது.

ஜார்ஜுக்கு மினி என்கிற மனைவியும், ஜினி, மியா ஆகிய மகள்களும் இருக்கிறார்கள் என்பது குறிப்பிடத்தக்கது.