ஹாலிவுட்டில் முன்னணி நடிகராக வலம் வருபவர் டாம் குரூஸ். இவர் நடிப்பில் வெளியான “மிஷன் இம்பாசிபிள்(mission impossible)” படங்கள் ரசிகர்கள் மத்தியில் பிரபலமான ஒன்று.
தற்போது “மிஷன் இம்பாசிபிள்(mission impossible)” படத்தின் 7-ம் பாகத்தின் படப்பிடிப்பு நடந்து வருகிறது. இப்படத்தின் படப்பிடிப்பு இங்கிலாந்தில், ஒரு பிரம்மாண்ட அரங்குகள் அமைக்கப்பட்டு நடத்தப்பட்டு வந்தது.இந்நிலையில், “மிஷன் இம்பாசிபிள்-7” படக்குழுவில் ஒருவருக்கு கொரோனா தொற்று இருப்பது உறுதிசெய்யப்பட்டுள்ளதாம்.
இதனால் உடனடியாக மிஷன் இம்பாசிபிள் 7 படப்பிடிப்பை தற்காலிகமாக நிறுத்தி வைத்துள்ளனர். ஜூன் 14ஆம் தேதி வரை படப்பிடிப்பு நிறுத்தி வைக்கப்பட்டுள்ளதாக படக்குழுவினர் தெரிவித்துள்ளனர்.”மிஷன் இம்பாசிபிள்-7″ படத்தை அடுத்தாண்டு வெளியிட திட்டமிட்டுள்ளது படக்குழு. இப்படத்தின் படப்பிடிப்பு கடந்த 6 மாதங்களாக இங்கிலாந்தில் நடைபெற்று வருகிறது என்பது குறிப்பிடத்தக்கது.