2022ஆம் ஆண்டு சாதனையாளர்கள் புத்தகத்தில் நடன இயக்குநர் கோகுல் நாத்தின் பெயர் இடம் பெற்றுள்ளது.
‘மானாட மயிலாட’ நடன நிகழ்ச்சியின் மூலம் அறிமுகமானவர், கோகுல்நாத். நடிகர், நடன இயக்குனர் என பன்முகத் திறமை கொண்டவராக விளங்கும் இவர், அம்புலி, ஆ, ஜம்புலிங்கம், மகளிர் மட்டும், ஐரா போன்ற படங்களில் நடித்துள்ள இவர் தற்போது லோகேஷ் கனகராஜ் – கமல்ஹாசன் கூட்டணியில் உருவாகும் விக்ரம் படத்தில் முக்கிய கதாபாத்திரத்தில் நடித்து வருகிறார்.
இதுதவிர இவர், கோகுல்நாத் யூனிக் டேலண்ட் அகாடமி’ என்கிற பெயரில் ஒரு பயிற்சி மையத்தையும் நடத்தி வருகிறார். அதில் பல குழந்தைகள் பயின்று வருகிறார்கள்.
இந்நிலையில், கோகுல்நாத்தும், அவர் நடத்தி வரும் பயிற்சி மையத்தில் பயின்ற மாணவர்களும் 15 கின்னஸ் சாதனைகள் படைத்துள்ளார். இதில் கோகுல்நாத் மட்டும் 4 கின்னஸ் சாதனைகளை படைத்துள்ளார்.
இது குறித்து தனது இன்ஸ்டாகிராம் பக்கத்தில் அவர் பகிர்ந்துள்ளார். முன்னதாக கோகுல்நாத் பள்ளியில் பயிற்சி பெற்ற மாணவர்கள் பலர் கின்னஸ் சாதனை செய்துள்ளனர் என்பது குறிப்பிடத்தக்கது.