மாஸ்டர் படத்தின் வெற்றியை தொடர்ந்து நடிகர் விஜய் நெல்சன் திலீப் குமார் இயக்கும் புதிய படத்தில் நடிக்கவுள்ளார். இப்படத்திற்கு தற்காலிகமாக “தளபதி 65” என பெயரிடப்பட்டுள்ளது. பிரபல தயாரிப்பு நிறுவனமான சன் பிச்சர்ஸ் நிறுவனம் தயாரிக்கும் இப்படத்தின் படப்பிடிப்பு ஏப்ரல் மாத இறுதியில் தொடக்கவுள்ளது. “தளபதி 65” படத்தில் விஜய்க்கு ஜோடியாக நடிகை பூஜா ஹெக்டே நடிக்கவுள்ளார்.
இப்படத்தில் விஜய்க்கு வில்லனாக பிரபல பாலிவுட் நடிகர் வித்யுத் ஜம்வால் நடிக்க உள்ளார் என சமூக வலைதளங்களில் தகவல் பரவியது. இவர், ஏற்கனவே ‘துப்பாக்கி’ படத்தில் விஜய்க்கு வில்லனாக நடித்திருந்தது குறிப்பிடத்தக்கது.
இந்த நிலையில், நடிகர் வித்யுத் ஜம்வால் இதுகுறித்து விளக்கம் அளித்துள்ளார். ‘தளபதி 65’ படத்தில் விஜய்க்கு வில்லனாக வித்யுத் ஜம்வால் நடிக்கிறார் என ஒருவர் பதிவிட்டுள்ள ட்விட்டர் பதிவைப் பகிர்ந்து, “நான் காத்திருக்கிறேன்..எனக்கும் ஆசைதான். ஆனால், இந்த செய்தி உண்மையல்ல” என விளக்கமளித்துள்ளார்.
#thalapathy #vijay #master #tamilmovie #thalapathy65 #nelson #sunpictures #poojahegde #vjay #cinema #cinemtrending #kollywood #cine #cineupdate #TamilThisai #vidyutjamwal