இயக்குனர் அருண்ராஜா காமராஜ் இயக்கத்தில் நடிகர் உதயநிதி ஸ்டாலின் புதிய படத்தில் நடித்து வருகிறார். அஜித்தின் நேர்கொண்ட பார்வை, வலிமை பட தயாரிப்பாளர் போனி கபூர் இப்படத்தை தயாரிக்கவுள்ளார்.
இப்படம் கடந்த 2019ஆம் ஆண்டு இந்தியில் இயக்குனர் அனுபவ் சின்ஹா இயக்கத்தில் வெளியாகி ‘ஆர்டிகள் 15’ என்ற திரைப்படம் மாபெரும் வெற்றி பெற்றது. ஆயுஷ்மான் குரானா கதாநாயகனாக நடித்த இப்படம் வசூல் ரீதியாகவும் விமர்சன ரீதியாகவும் நல்ல வரவேற்பை பெற்றது. மேலும் பல சர்வதேச திரைப்பட விழாவில் பல்வேறு விருதுகளை வென்றது.
நடிகர் உதயநிதி ஸ்டாலின் இப்படத்தில் போலீஸ் அதிகாரியாக நடித்து வருகிறார். இவருக்கு ஜோடியாக தன்யா ரவிச்சந்திரன் நடித்து வருகிறார். இவர் விஜய் சேதுபதி நடிப்பில் வெளியான கருப்பன் படத்தில் நடித்து மூலம் தமிழ் சினிமாவில் பிரபலமானவர். நடிகை தன்யா ரவிச்சந்திரன் பத்திரிகை நிருபராக நடித்து வருகிறார். படத்தின் படப்பிடிப்பு பொள்ளாச்சியில் நடைபெற்று வருகிறது. விரைவில் அடுத்தடுத்த அறிவிப்பு வெளியாகும் என எதிர்பார்க்கப்படுகிறது.