சீனாவில் இருந்து தொடங்கிய கொரோனா வைரஸ் தற்போது உலகம் முழுவதும் பரவியுள்ளது. இந்தியாவில் தொடக்கத்தில் அதிகமான எண்ணிக்கையில் தொற்று இருந்து வந்த நிலையில், பின்னர் இந்தியா முழுவதும் கொரோனா தொற்று படிப்படியாக குறைந்து வந்தது. ஆனால் தற்போது மீண்டும் அதிகரிக்கத் தொடங்கியுள்ளது.
அண்மையில் நடிகர் மாதவன், பிரபல பாலிவுட் நடிகர் அமீர்கான் இருவருக்கும் கொரோனா உறுதி செய்யப்பட்டு சிகிச்சை பெற்று வரும் நிலையில் தற்போது இயக்குநர் லோகேஷ் கனகராஜுக்கு கொரோனா தொற்று உறுதி செய்யப்பட்டுள்ளது.
இது தொடர்பாக அவர் வெளியிட்ட ட்விட்டர் பதிவில், எனக்கு கொரோனா பரிசோதனையில் தொற்று உறுதி செய்யப்பட்டு தனியார் மருத்துவமனையில் சிகிச்சை பெற்று வருகிறேன். விரைவில் குணமடைந்து வலிமையுடன் திரும்பி வருகிறேன் என குறிப்பிட்டுள்ளார்.
#Master #Thalapathy #MasterMovie #LokeshKanagaraj #tamilcinema #Cinema #CineUpdate #TamilThisai #COVID19 #Coronapositive #CoronaVirus