தாங்கள் பயணிக்கும் பஸ்ஸில் தோனியின் இடத்தில் யாரும் அமர்வது இல்லை என சுழல் பந்துவீச்சாளர் சாஹல் தெரிவித்துள்ளார்.
நியூசிலாந்தில் சுற்றுப்பயணம் மேற்கொண்டுள்ள இந்திய அணி நாளை மூன்றாவது டி20 போட்டியில் விளையாட உள்ளது.
இதற்காக ஹாமில்டன் நகருக்கு பஸ்ஸில் பயணம் செய்த போது, சுழல் பந்துவீச்சாளர் சாஹல் சக வீரர்களுடன் ஜாலியாக உரையாடுவது போன்ற வீடியோவை தனது ட்விட்டர் பக்கத்தில் வெளியிட்டு இருந்தார்.
அந்த வீடியோவின் இறுதியில் பஸ்சின் கடைசி இருக்கை அருகே அமர்ந்து, “இதுதான் லெஜெண்ட் தோனி அமர்ந்திருக்கும் இருக்கை எனவும் தற்போது அதில் யாரும் அமர்வது இல்லை” எனவும் கூறியுள்ளார்.
மேலும் நாங்கள் அவரை மிகவும் இழந்துள்ளோம் என அந்த வீடியோவில் தெரிவித்து இருக்கிறார். உலக கோப்பை தொடருக்கு பிறகு இந்திய அணியில் விளையாட தோனியின் பெயர் இந்த ஆண்டுக்கான ஒப்பந்த வீரர்கள் பட்டியலில் இடம்பெறவில்லை என்பது குறிப்பிடத்தக்கது.