கொரோனாவில் இருந்து குணமடைந்தார் உள்துறை அமைச்சர் அமித் ஷா… 

புதுடெல்லி:-

மத்திய உள்துறை அமைச்சர் அமித் ஷா கொரோனா தொற்றிலிருந்து குணமடைந்துள்ளார் என்று மனோஜ் திவாரி கூறியுள்ளார்.

கடந்த ஆகஸ்ட் 2ஆம் தேதி லேசான கொரோனா அறிகுறிகள் காரணமாக ஹரியானா மாநிலம்  குருகிராமில் உள்ள மென்டேட்டா மருத்துவமனையில் அமித்ஷா (55) அனுமதிக்கப்பட்டார். இந்நிலையில், கொரோனா பாதிப்பு தொடர்பாக மேற்கொள்ளப்பட்ட பரிசோதனையில் அவருக்கு பாதிப்பு இல்லை என உறுதியானது. இதுபற்றிய தகவலை பா.ஜ.க. எம்.பி. மனோஜ் திவாரி தனது டுவிட்டர் பக்கத்தில் இன்று வெளியிட்டு உள்ளார்.

கடந்த இரண்டு வாரங்களாக மத்திய பிரதேச முதல்வர் சிவராஜ் சிங் சவுகான், கர்நாடக முதல்வர் பிஎஸ் எடியூரப்பா, தமிழக ஆளுநர் பன்வாரிலால் புரோகித் உள்ளிட்டோரும் கோரோனோ தொடர் சிகிச்சை பெற்று வருகிறார்கள் என்பது குறிப்பிடத்தக்கது.