ஆறு வயது சிறுமி கிரிக்கெட் விளையாடும் வைரல் வீடியோ சமூக ஊடகங்களில் பட்டையைக் கிளப்பி வருகிறது. இந்த வைரல் வீடியோவை சமூக ஊடகங்களில் ஆக்டிவாக இருக்கும் மஹிந்திரா குழுமத் தலைவர் ஆனந்த் மஹிந்திரா ட்விட்டரில் பகிர்ந்துள்ளார்.
29 விநாடிகள் கொண்ட இந்த வைரல் வீடியோவில் (Viral Video) உள்ள சிறுமி, மெஹக் பாத்திமா என அடையாளம் காணப்பட்டுள்ளார்.
இந்த சிறுமி, தலை கவசம், கையுறைகள் மற்றும் பேட்களை அணிந்து பேட்ஸ்மேனின் முழு உடையில் கிரிக்கெட் விளையாடுவதைக் காண முடிகிறது.
அந்த பெண் எதிர்காலத்தின் சூப்பர் ஸ்டார் என்று எழுதியுள்ள ஆனந்த் மஹிந்திரா இந்த சிறுமியை கிரேன் ரிஜிஜு கவனிக்க வேண்டும் என்று கூறி அவரை டேக் செய்துள்ளார்.
முதலில் இந்த வீடியோ ‘தி பெட்டர் இந்தியா’-வின் அதிகாரப்பூர்வ ட்விட்டர் கணக்கில் வெளியிடப்பட்டது.
அந்த பதிவில்,
நான் ஒரு பெண் என்பதால் நீங்கள் எனக்கு கற்பிக்கவில்லையா? என்று தலைப்பிடப்படுள்ளது. கோழிக்கோட்டைச் சேர்ந்த ஆறு வயது மெஹக் பாத்திமா தனது மூன்று வயது சகோதரருக்கு தனது தந்தை கிரிக்கெட் கற்பிப்பதைக் கண்டதும் தனது தந்தையிடம் இந்த கெள்வியைக் கேட்டார்.
ஆகையால், அவர் சிறுமிக்கும் கற்பித்தார். இப்போது இந்த சிறுமி பேட்டிங்கில் வெளுத்து வாங்குகிறார் என்பது குறிப்பிடத்தக்கது.