புதுடில்லி
‘செக்ஸ்’ (SEX) என்ற சொல்லைக் கொண்ட வாகனத்தின் பதிவு எண்ணை மாற்றக் கோரி புது தில்லி மகளிர் ஆணையம் போக்குவரத்து துறைக்கு நோட்டீஸ் அனுப்பி உள்ளது.
புதிய ஸ்கூட்டியை வாங்கிய ஒரு பெண் தனது வாகனப் பதிவு எண்ணில் ‘SEX’ என்ற வார்த்தையைக் கொண்ட ஒதுக்கீட்டுத் தொடரைப் பெற்றுள்ளார்.
இதனால் அந்த பெண் மிகுந்த தர்மசங்கடத்திற்கு ஆளாகி உள்ளார். சாலையில் செல்லும்போது பலர் இதை கூறி அவரை கிண்டல் செய்வதாகவும், பின்தொடர்ந்து வந்து தொல்லை கொடுப்பதாகவும் கூறியுள்ளார்.
இது குறித்தது புது டில்லி பெண்கள் ஆணையத்தில் அந்த பெண் புகார் அளித்து உள்ளார்.
இதைத்தொடர்ந்து டில்லியைச் சேர்ந்த பெண்ணின் இருசக்கர வாகன பதிவு பலகையில் ‘செக்ஸ்’ என்ற வார்த்தை இடம்பெற்றுள்ளதை மாற்றும்படி, டில்லி பெண்கள் ஆணையம், போக்குவரத்து துறைக்கு, ‘நோட்டீஸ்’ அனுப்பியாது. இருசக்கர வாகன பதிவு எண்ணை உடனடியாக மாற்றி தரும்படி அதில் வலியுறுத்தப்பட்டுஉள்ளது.
மேலும் இதே போன்ற பதிவு எண் வரிசை கொடுக்கப்பட்ட வாகனங்களின் எண்ணிக்கை மற்றும் அது தொடர்பாக பதிவாகி உள்ள புகார்கள் குறித்து தகவல் தெரிவிக்க வேண்டும் என்றும் டில்லி போக்குவரத்து துறைக்கு மகளிர் ஆணையம் உத்தரவிட்டுள்ளது குறிப்பிடத்தக்கது.