நாளை ஒன்றிய அரசின் அமைச்சரவை கூட்டம் புதிய வேளாண் சட்டம் ரத்து செய்ய ஒப்புதல்?

புதுடில்லி:

பிரதமர் மோடி தலைமையில் ஒன்றிய அமைச்சரவை கூட்டம் நாளை நடைபெற உள்ளதாக தகவல்கள் வெளியாகி உள்ளன. இக்கூட்டத்தில் புதிய வேளாண் சட்டங்கள் ரத்து செய்வதற்கான மசோதாவுக்கு ஒப்புதல் அளிக்கப்படலாம் என தகவல்கள் தெரிவிக்கின்றன.

இதைத்தொடர்ந்து வரும் 29 ம் தேதி தொடங்க உள்ள நாடாளுமன்ற குளிர் கால கூட்டத்தொடரில் புதிய வேளாண் சட்டங்கள் ரத்து செய்வதற்கான மசோதா நிறைவேற்றப்படும் என்றும் எதிர்பார்க்கப்படுகிறது.

மூன்று வேளாண் சட்டத்தை ரத்து செய்வதற்கான சட்டத்தை வரும் நாடாளுமன்ற கூட்டத்தொடரில் தாக்கல் செய்ய வேண்டும். இந்த ரத்து செய்யும் சட்டத்தை நாடாளுமன்றத்தின் இரு அவைகளிலும் நிறைவேற்றப்பட வேண்டும்.

அதன்பின், குடியரசுத் தலைவரின் ஒப்புதலைப் பெற வேண்டும் இதுவே சட்டங்களை ரத்து செய்வதற்கான நடைமுறையாகும்.