தொப்பையைக் குறைக்க முயற்சி செய்கிறீர்கள் எனில் இந்த விஷயங்களை கவனிக்க தவறாதீர்கள். இல்லையெனில் எவ்வளவு முயற்சித்தும் பலனில்லை.இந்த மூன்று விஷயங்களை நன்கு கவனத்தில் வைத்து கொள்ளுங்கள்….
ஊட்டச்சத்தில் கவனமின்மை :
தொப்பை கொழுப்பில் அல்லது உடல் எடை குறைப்பில் கலோரிகளை குறைப்பது அவசியம்தான். ஆனால் ஊட்டச்சத்தில் சமரசம் செய்வது மிகவும் தவறு. எனவே உங்கள் டயட் லிஸ்டில் கலோரிகளை குறையுங்கள். ஊட்டச்சத்தை அதிகப்படுத்துங்கள்.
உடலுழைப்பு இன்மை :
டயட் தான் இருக்கிறோமே என உடலுக்கு எந்த உழைப்பும் கொடுக்காமல் அமர்ந்தே இருந்தாலும் உடல் எடை குறைந்துவிடாது. நாளுக்கு நாள் சாப்பிடும் கலோரிகளை அன்றைக்கே குறைக்க உடற்பயிற்சிகள் அவசியம். இல்லையெனில் டயட் இருந்தும் பிரயோஜனமில்லை.
மது அருந்துதல் :
தொப்பைக்கு மதுவும் ஒரு காரணம். இதில் அதிகப்படியான சர்க்கரை அளவு இருப்பது வேகமாக உடல் எடையை அதிகரிக்கச் செய்கிறது. எனவே உடல் எடையை குறைக்கும் முயற்சியில் இறங்கிவிட்டால் மதுவை கண்களால் கூட பார்ப்பது தவறு.