பாஜக கொள்கைகளுக்கு முரணாக வீடியோ பதிவில் கருத்துக்கள் தெரிவித்துள்ள மதன் மற்றும் வெண்பா ஆகியோர் கட்சியின் அடிப்படை உறுப்பினரிலிருந்து நீக்கப்படுகிறார்கள்.
பாஜகவைச் சேர்ந்த மதன் ரவிச்சந்திரன், தனது யூடியூப் பக்கத்தில் வெளியிட்டிருந்த வீடியோ ஒன்றில் தமிழக பாஜகவின் மாநிலப் பொதுச் செயலாளரானகே.டி.ராகவன், பாஜகவின் மகளிர் அணியைச் சேர்ந்த பெண் ஒருவருடன் செல்போனில் வீடீயோ காலில் பேசுவது போன்ற காட்சிகள் இடம் பெற்றுள்ளன.
ஒரு கட்டத்தில் ஆபாசமான செய்கைகளிலும் ஈடுபடுவது போன்ற காட்சிகள் அந்த வீடியோவில் உள்ளன. வீடியோவை வெளியிட்ட மதன் ரவிச்சந்திரன்,
பாஜகவின் மாநிலத் தலைவர் அண்ணாமலையின் ஒப்புதலோடு தான் வீடியோவை வெளியிட்டுள்ளதாக தெரிவித்துள்ளார். இந்நிலையில் இந்த ஆபாச வீடியோ விவகாரத்தின் மூலம் மதன் ரவிச்சந்திரன் தமிழக பாஜகவில் இருந்து நீக்கப்பட்டுள்ளார் என்பது குறிப்பிடத்தக்கது .
மேலும் தமிழக பாஜக பொதுச் செயலாளர் கரு.நாகராஜன் வெளியிட்டுள்ள அதிகாரப்பூர்வ அறிவிப்பில் கூறியிருப்பதாவது, “
பாஜக கொள்கைகளுக்கு முரணாக வீடியோ பதிவில் கருத்துக்கள் தெரிவித்துள்ள மதன் மற்றும் வெண்பா ஆகியோர் கட்சியின் அடிப்படை உறுப்பினரிலிருந்து நீக்கப்படுகிறார்கள் என்றும்
கட்சியின் நிர்வாகிகள் மற்றும் உறுப்பினர்கள் அவர்களிடம் கட்சி சார்பாக எவ்வித தொடர்பும் வைத்துக்கொள்ள வேண்டாம் என்றும் அறிவுறுத்தப்படுகிறது” இவ்வாறு அதில் தெரிவிக்கப்பட்டுள்ளது.