தமிழக அரசு சார்பில் இலங்கைக்கு அனுப்பப்பட்ட நிவாரண பொருட்கள்!

இலங்கைக்கு தமிழக அரசு சார்பில் அனுப்பப்படும் நிவாரண பொருட்களை இன்று தமிழக முதலமைச்சர் மு.க.ஸ்டாலின் சென்னை துறைமுகத்திலிருந்து கொடி அசைத்து அனுப்பி வைக்கிறார்.

பொருளாதார நெருக்கடியில் சிக்கி தவிக்கும் இலங்கைக்கு தமிழக அரசு நிவாரண பொருட்கள் அனுப்பி வைக்க திட்டமிட்டது. அதன்படி இன்று 40 ஆயிரம் டன் அரிசி, 500 டன் பால் பவுடர், 137 வகையான அத்தியாவசிய மருந்து பொருட்கள் கப்பல் மூலம் இலங்கைக்கு செல்ல இருக்கிறது. இந்நிலையில் சென்னை துறைமுகத்தில் நிவாரண பொருட்கள் ஏந்திய கப்பலை முதலமைச்சர் ஸ்டாலின் கொடியசைத்து அனுப்பி வைக்கிறார்.