கூட்டணி கட்சிகளின் தொகுதி பங்கீட்டை இறுதி செய்தது ம.நீ.ம !

தமிழகத்தில் ஏப்ரல் 6 ஆம் தேதி சட்டமன்ற தேர்தல் நடைபெறவுள்ள நிலையில் தமிழக தேர்தல் களம் சூடு பிடித்துள்ளது. கூட்டணி கட்சிகளுடன் தொகுதி பங்கீட்டை இறுதி செய்யும் பணிகளில் திமுக அதிமுக, மக்கள் நீதி மய்யம் காட்சிகள் தீவிரம் காட்டி வருகின்றனர். 

அதன்படி மக்கள் நீதி மய்யம் கூட்டணியில் அங்கம் வகிக்கும் சமத்துவ மக்கள் கட்சி, இந்திய ஜனநாயக கட்சி ஆகிய கட்சிகளுக்கு இடையே தொகுதி பங்கீட்டு ஒப்பந்தம் கையெழுத்தானது.

அதில் மக்கள் நீதி மய்யம் கட்சிக்கு 154 தொகுதியும், அகில இந்திய சமத்துவ மக்கள் கட்சிக்கு 40 தொகுதியும், இந்திய ஜனநாயகக் கட்சிக்கு 40 தொகுதியும் ஒதுக்கப்பட்டுள்ளது. இதனையடுத்து இந்த கூட்டணி காட்சிகள் போட்டியிடும் தொகுதிகளின் விவரங்கள் இன்று மாலை அல்லது நாளை வெளியாகும் என தகவல் வெளியாகியுள்ளது.