தமிழகத்தில் நடந்து முடிந்த சட்டமன்ற தேர்தலில் திமுக 159 தொகுதிகளில் வெற்றி பெற்று அறுதிபெரும்பான்மையில் ஆட்சியை பிடித்துள்ளது. இதன் மூலம் தமிழகத்தின் அடுத்த முதல்வராக மு.க ஸ்டாலின் நாளை ஆளுநர் மாளிகையில் பொறுப்பேற்றுக் கொண்டார்.
சென்னை தலைமை செயலகத்திற்கு சென்று அங்கு உள்ள முதல்வர் இருக்கையில் அமர்ந்து தனது பணியை தொடங்கினர். அதனையடுத்து முதல் முறையாக பணியை தொடங்கிய மு.க ஸ்டாலின் 5 புதிய கோப்புகளில் கையெழுத்திட்டார். அதில்…
1.தேர்தலுக்கு முன்பு திமுக தலைவர் மு.க ஸ்டாலின் நாங்கள் ஆட்சிக்கு வந்தால் கொரோனா நிதியாக ஒரு குடும்ப அட்டைக்கு 4000 ரூபாய் நிவாரணமாக கொடுப்போம் என வாக்குறுதி அளித்திருந்த நிலையில் தற்போது அதற்கான அரசாணையில் கையெழுத்திட்டுள்ளார். முதல் தவணையாக ரூ. 2000 வீதம் மே மாதத்திலேயே வழங்கும் ஆணையில் கையெழுத்திட்டார்.
2.ஆவின் பால் லிட்டருக்கு 3 ருபாய் குறைத்து அதற்கான கோப்புகளில் கையெழுத்திட்டார். இந்த அரசனை மே 16 ஆம் தேதி முதல் அமலுக்கு வருகிறது.
3.சாதாரண நகர பேருந்துகளில் பெண்கள் இலவச பயணம் செய்வதற்கான கோப்புகளில் கையெழுத்திட்டார். இந்த அறிவிப்பு நாளை முதல் அமலுக்கு வருகிறது.
4. புகார் மனுக்களுக்கு 100 நாட்களில் தீர்வு அடங்கிய கோப்புகளில் கையெழுத்திட்டார்.
5.தனியார் மருத்துவமனைகளில் கொரோனா சிகிச்சை கட்டணத்தை அரசே ஏற்கும் கோப்பில் கையெழுத்திட்டார். இது மருத்துவ காப்பீடு திட்டத்தின் கீழ் தனியார் மருத்துவமனை கட்டணத்தை அரசே ஏற்கும் என தெரிவித்தார்.