உடற்தகுதி தேர்வில் பாகிஸ்தானின் உமர் அக்மல் தோல்வியடைந்ததால், கோபத்தில் ஜெர்சியை கழற்றி எதிர்ப்பு தெரிவித்ததால் பரபரப்பு ஏற்பட்டது.
பாகிஸ்தான் கிரிக்கெட் வாரியம் உள்ளூர் கிரிக்கெட் போட்டிகளில் விளையாடும் வீரர்களும் உடற்தகுதியை நிரூபிக்க வேண்டும் என்பதை கட்டாயம் ஆக்கியுள்ளது.
இதற்கிடையில் பாகிஸ்தான் அணியின் முன்னணி பேட்ஸ்மேனும் , விக்கெட் கீப்பராகவும் இருந்த உமர் அக்மல் ஒழுங்கீன பிரச்சனை, உடற்தகுதி தோல்வியால் சர்வதேச அணியில் விளையாட முடியாமல் உள்ளூர் போட்டிகளில் விளையாடி வருகிறார்.
இதனால் உள்ளூர் போட்டிகளில் விளையாட உடற்தகுதியை நிரூபிக்க தேசிய கிரிக்கெட் அகாடமிக்கு சென்றார். அங்கு சில தேர்வுகளில் அவர் தோல்வியடைந்தார்.
அதனால் அங்கிருந்த டிரைனரிடம் ஜெர்சியை கழற்றி என் உடம்பில் கொழுப்பு எங்கே இருக்கிறது? என ஆவேசமாக கேட்டதாக கூறப்படுகிறது. இந்த சம்பவத்தால் மீண்டும் ஒழுங்கீனமாக நடந்து கொண்ட உமர் அக்மல் போட்டிகளில் விளையாட தடை விதிக்கப்படலாம் என கூறப்படுகிறது