டெஸ்ட் போட்டி; சென்னை வந்தடைந்த இங்கிலாந்து கிரிக்கெட் வீரர்கள்  

இந்தியாவுக்கு சுற்றுப்பயணம் மேற்கொண்டுள்ள இங்கிலாந்து அணி 4 டெஸ்ட் போட்டிகள், 5 டி20 போட்டிகள் மற்றும் 3 ஒருநாள் போட்டிகளில் விளையாட உள்ளது. இதில் முதல் டெஸ்ட் போட்டியானது பிப்.5-ம் தேதி சென்னை சேப்பாக்கம் மைதானத்தில் நடைபெற உள்ளது. இதற்காக இங்கிலாந்து அணி வீரர்கள் இன்று சென்னை வந்தடைந்தனர்.

4 டெஸ்ட் போட்டிகளில், முதல் 2 போட்டிகள் சென்னையிலும் அடுத்த 2 போட்டிகள் அகமதாபாத்திலும் நடைபெற உள்ளன. தொடர்ந்து டி20 போட்டிகள் அகமதாபாத்திலும், ஒரு நாள் போட்டிகள் புனேவிலும் நடைபெற உள்ளதாக அறிவிக்கப்பட்டுள்ளது.

இதில் ஜானி பேரிஸ்டோ, ஆல்-ரவுண்டர் சாம் கரன், வேகப்பந்து வீச்சாளர் மார்க் வுட் ஆகியோருக்கு முதல் இரண்டு டெஸ்ட்களில் வாய்ப்பு கொடுக்கவில்லை என்பது குறிப்பிடத்தக்கது.