சென்னை:-
தமிழ்நாடு அரசு தமிழகத்தை எட்டு மண்டலங்களாக பிரித்துள்ளது. இந்த மண்டலங்களுக்கு இடையே ரயிலில் பயணம் மேற்கொள்ள இ-பாஸ் கட்டாயம் என்று தெற்கு ரயில்வே அறிவித்துள்ளது.
இதுதொடர்பாக தெற்கு ரயில்வே சார்பில் விடுத்துள்ள அறிக்கையில்:-
அரசு உத்தரவின்படி ரயிலில் பயணம் மேற்கொள்ளும் அனைத்து பயணிகளும் ‘இ-பாஸ்’ பெற்றிருக்க வேண்டும் என்று குறிப்பிடப்பட்டுள்ளது.
சென்னை தவிர்த்து ஒரு மண்டலத்திலிருந்து வேறு மண்டலத்திற்கோ அல்லது மாவட்டத்திற்கோ அல்லது மாநிலத்திற்கோ ரயில் மூலம் செல்ல விரும்புவோர் கட்டாயம் தமிழக அரசிடம் ‘ஆன்-லைன்‘ மூலம் தங்களது விவரங்களை பதிவு செய்து ‘இ-பாஸ்‘ பெற்று இருக்க வேண்டும் என்று வலியுறுத்தப்பட்டுள்ளது.
ஆன்லைனில் இ-பாஸ் பெற இந்த லிங்கில் தொடரவும் https://tnepass.tnega.org/
தற்போது தெற்கு ரயில்வே அறிவித்துள்ள ரயில்கள்:-
கோயம்புத்தூர்- மயிலாடுதுறை- கோயம்புத்தூர் ஜன் சதாப்தி எக்ஸ்பிரஸ் (செவ்வாய்க்கிழமை தவிர்த்து),
மதுரை- விழுப்புரம்- மதுரை இன்டர்சிட்டி சூப்பர் ஃபாஸ்ட்
திருச்சிராப்பள்ளி- நாகர்கோயில் திருச்சிராப்பள்ளி- சூப்பர் ஃபாஸ்ட்
கோயம்புத்தூர்- காட்பாடி- கோயம்புத்தூர் இன்டர்சிட்டி சூப்பர் ஃபாஸ்ட்.