இயக்குனரும் நடிகருமான விசு (74) உடல்நலக்குறைவு காரணமாக சென்னையில் இன்று காலமானார். சிறுநீரக கோளாறு காரணமாக பாதிக்கப்பட்டு இருந்தார்.
நடிகர், இயக்குனர், வசனகர்த்தா, தயாரிப்பாளர், எழுத்தாளர்,நாடக நடிகர், டிவி தொகுப்பாளர் என பன்முகத்திறமை கொண்டவர் விசு.
1945ம் ஆண்டு பிறந்தவர் விசு. இவரது முழுப்பெயர் எம்.ஆர்.விஸ்வநாதன். ‘கண்மணி பூங்கா” என்ற படத்தின் மூலம் இயக்குனராக அறிமுகமானார்.
சம்சாரம் அது மின்சாரம், மணல் கயிறு, திருமதி ஒரு வெகுமதி ஆகிய படங்களை இயக்கி, நடித்தும் உள்ளார். இதில் ‘சம்சாரம் அது மின்சாரம்’ தேசிய விருது பெற்றது குறிப்பிடத்தக்கது.
இவரின் ‘அரட்டை அரங்கம்’ நிகழ்ச்சி மிகவும் பிரபலமானது.
சிறுநீரக் கோளாறு காரணமாகவும் வீட்டிலேயே தங்கி சிகிச்சை பெற்று வந்தார்.
இன்று மாலை சரியாக 5:30 மணியளவில் அவர் உயிர் பிரிந்ததாக தெரிகிறது. இவரது உடல் துரைப்பாக்கத்தில் உள்ள அவரது இல்லத்தில் வைக்கப்பட்டுள்ளது. இறுதிச்சடங்கு எப்போது நடைபெறும் என்று தகவல்கள் தெரியவில்லை.