பஜாஜ் டாமினர் 400 இந்திய சந்தையின் டூரிங் மோட்டார்சைக்கிள் பிரிவில் நல்ல வரவேற்பை பெற்று வருகிறது.இந்நிலையில், தற்போது வெளியாகி இருக்கும் புகைப்படங்களின்படி டாமினர் 400 மற்றொரு வேரியண்ட் உருவாகி இருப்பது தெரியவந்துள்ளது.டாமினர் 400 புது வேரியண்ட் டூரிங் சார்ந்த பல அம்சங்களை கொண்டிருக்கும் என தெரிகிறது.
பஜாஜ் நிறுவனத்தின் சக்கன் உற்பத்தி ஆலையில் இந்த மாடல் புகைப்படம் எடுக்கப்பட்டு இருக்கிறது. இதில் பெரிய விண்ட்ஸ்கிரீன் மற்றும் நக்கிள் கார்டுகள் உள்ளன. தற்போது இந்த மாடலின் முன்புற புகைப்படம் வெளியாகி இருக்கிறது. இதனால் இந்த மாடலில் மேலும் சில அக்சஸரீக்கள் வழங்கப்படும் என தெரிகிறது.
இந்தியாவில் பண்டிகை காலம் சில மாதங்களில் தொடங்கயிருப்பதால், விரைவில் டாமினர் 400 டூரிங் எடிஷன் வெளியாகும் என தெரிகிறது. இந்த மாடலின் விலை தற்போது விற்பனை செய்யப்படும் டாமினர் 400 ஸ்டான்டர்டு எடிஷனை விட அதிகமாகவே இருக்கும் என கூறப்படுகிறது.