BMW மோட்டராட் நிறுவனம் இந்திய சந்தையில் பி.எஸ்.6 புகை விதிகளுக்கு பொருந்தும் BMW R 1250 GS மோட்டார்சைக்கிளை அறிமுகம் செய்தது. புதிய பிளாக்ஷிப் அட்வென்ச்சர் டூரர் மாடல் இரண்டு வேரியண்ட்களில் கிடைக்கிறது.
விலை விவரம்:
BMW R 1250 GS ப்ரோ ரூ. 20,45,000
BMW R 1250 GS அட்வென்ச்சர் ப்ரோ ரூ. 22,40,000
புதிய BMW மோட்டார்சைக்கிள் மாடல்கள் CBU (Completely Built-up Units) முறையில் முழுமையாக உருவாக்கப்பட்டு இந்தியா கொண்டுவரப்படுகின்றன. பி.எஸ். 6 ரக R 1250 GS மாடலில் 1254CC, ஏர்/லிக்விட் கூல்டு, பிளாட்-ட்வின் மோட்டார் வழங்கப்பட்டு இருக்கிறது. இந்த என்ஜின் 134 பி.ஹெச்.பி. பவர், 143 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.
அம்சங்களை பொருத்தவரை BMW R 1250 GS மாடலில் அசிமெட்ரிக் ஹெட்லைட், அட்ஜஸ்ட் செய்யக்கூடிய விண்ட்-ஸ்கிரீன், LED லைட்டிங், அடாப்டிவ் ஹெட்லைட், ப்ளூடூத் சார்ந்து இயங்கும் TFT கலர் டிஸ்ப்ளே, டிராக்ஷன் கண்ட்ரோல்,USB சார்ஜிங் போன்றவை வழங்கப்பட்டு இருக்கிறது.