மோட்டோரோலா நிறுவனம் இந்திய சந்தையில் எட்ஜ் 20 மற்றும் எட்ஜ் 20 பியூஷன் ஸ்மார்ட்போன்களை அறிமுகம் செய்தது. இரு மாடல்களிலும் 6.7 இன்ச் AMOLED ஸ்கிரீன் வழங்கப்பட்டு இருக்கிறது. எட்ஜ் 20 பியூஷன் மாடலில் 90 ஹெர்ட்ஸ் ரிப்ரெஷ் ரேட், எட்ஜ் 20 மாடலில் 144 ஹெர்ட்ஸ் ரிப்ரெஷ் ரேட் உள்ளது.மோட்டோரோலா எட்ஜ் 20 மாடலில் ஸ்னாப்டிராகன் 778G பிராசஸரும், எட்ஜ் 20 பியூஷன் மாடலில் மீடியாடெக் டிமென்சிட்டி 800U பிராசஸரும் வழங்கப்பட்டு இருக்கிறது.
புகைப்படங்களை எடுக்க இரு மாடல்களிலும் 108 எம்பி பிரைமரி கேமரா, அல்ட்ரா வைடு ஆங்கில் லென்ஸ், எட்ஜ் 20 பியூஷன் மாடலில் 2 MB டெப்த் சென்சார், எட்ஜ் 20 மாடலில் 8 MB டெலிபோட்டோ கேமரா வழங்கப்பட்டு இருக்கிறது. இரு மாடல்களிலும் 32 MB செல்பி கேமரா வழங்கப்பட்டுள்ளது.
இரு மாடல்களிலும் 5G கனெக்டிவிட்டிக்கு பல்வேறு பேண்ட்கள், டூயல் 4G வோல்ட்இ, வைபை, ப்ளூடூத், யு.எஸ்.பி. டைப் சி போர்ட் வழங்கப்பட்டு இருக்கிறது. மோட்டோ எட்ஜ் 20 மாடல் 4000 MAH பேட்டரி, 30 வாட் டர்போ பவர் பாஸ்ட் சார்ஜிங் வசதி உள்ளது. மோட்டோ எட்ஜ் 20 பியூஷன் மாடலில் 5000 MAH பேட்டரி மற்றும் 30 வாட் டர்போ பவர் பாஸ்ட் சார்ஜிங் வசதி வழங்கப்பட்டு இருக்கிறது.
மோட்டோரோலா எட்ஜ் 20 பியூஷன் மாடல் சைபர் டீல் மற்றும் எலெக்ட்ரிக் கிராபைட் நிறங்களில் கிடைக்கிறது. இதன் 6 GB + 128 GB மாடல் விலை ரூ. 21,499 என்றும் 8 GB + 128 மாடல் விலை ரூ. 22,999 என்றும் நிர்ணயம் செய்யப்பட்டுள்ளது.
மோட்டோரோலா எட்ஜ் 20 மாடல் பிராஸ்டெட் எமரால்டு மற்றும் பிராஸ்டெட் பியல் நிறங்களில் கிடைக்கிறது. இதன் 8 GB + 128 GB மாடல் விலை ரூ. 29,999 ஆகும். இதன் விற்பனை ஆகஸ்ட் 24-ம் தேதி ப்ளிப்கார்ட் மற்றும் முன்னணி விற்பனை மையங்களில் துவங்குகிறது. மோட்டோரோலா எட்ஜ் 20 பியூஷன் மாடல் ஆகஸ்ட் 27-ம் தேதி ப்ளிப்கார்ட் தளத்தில் விற்பனைக்கு வருகிறது.