நான் வரமாட்டேன்…. அடம்பிடித்த சர்க்கஸ் யானை

ரஷ்யாவில் சர்க்கஸ் நிகழ்ச்சி கொண்டுசெல்லப்பட்ட யானை ஒன்று பனியில் புரண்டு விளையாடிய வீடியோ வைரலாகி வருகிறது.

ரஷ்யாவில் இத்தாலிய சர்க்கஸ் என்ற நிறுவனம் உள்ளது. இந்த நிறுவனம் சில நாட்களுக்கு முன்பே யாக்டெரின்பக் நகரில் சர்க்கஸ் கண்காட்சி நடத்தியது.

இந்த நிலையில் சர்க்கஸ் முடிந்து நிறுவனத்திற்கு சொந்தமான கார்லா, ரன்னிங் என்ற இரு யானைகள் வண்டியில் ஏற மறுத்து அடம்பிடித்தன.

இதில் கார்லா யானை திடீரென சாலைக்கு சென்றதால் அங்கு போக்குவரத்து நெரிசல் ஏற்பட்டது.

சாலை முழுவதும் படர்ந்திருந்த பனியில் முன்னங்கால்களை மடக்கி படுத்த யானை புரண்டு புரண்டு விளையாடியது. இதனை பார்த்து வியந்த சிலர் அதனை வீடியோவாக எடுத்து சமூக வலைதளங்களில் பதிவிட்ட அது வைரலானது.