டிஸ்கவரி சேனலின் man vs wild நிகழ்ச்சியில் நடிகர் ரஜினிகாந்த் கலந்துகொண்டதாக தகவல் வெளியாகியுள்ளது.
டிஸ்கவரி சேனலில் ஒளிபரப்பாகும் man vs wild நிகழ்ச்சியை தெரியாதவர்கள் யாரும் இருக்க முடியாது. பியர் கிரில்ஸ் தொகுத்து வழங்கும் இந்த நிகழ்ச்சியின் ஷூட்டிங் அடர்ந்த காடுகளில் நடைபெறும்.
அங்கு அவர் எதிர்கொள்ளும் சவால்களே இதற்கு உலகம் முழுவதும் கோடிக்கணக்கான ரசிகர்களின் ஆதரவை கொடுத்துள்ளது.
இந்நிலையில் நடிகர் ரஜினிகாந்த் man vs wild நிகழ்ச்சியில் கலந்துகொண்டதாக தகவல் வெளியாகியுள்ளது.
இந்த நிகழ்ச்சிக்கான ஷூட்டிங் கர்நாடகா மாநிலத்திலுள்ள பந்திப்பூர் புலிகள் சரணாலயத்தில் நடைபெற்றதாகவும், விரைவில் இந்த நிகழ்ச்சி குறித்த அறிவிப்பு தொலைக்காட்சியில் ஒளிபரப்பாகும் என எதிர்பார்க்கப்படுகிறது.
இந்த நிகழ்ச்சியில் ஏற்கனவே அமெரிக்க அதிபர் ஓபாமாவும் கலந்து கொண்டுள்ளார். இந்தியாவில் பிரதமர் மோடியை தொடர்ந்து நடிகர் ரஜினிகாந்த் கலந்து கொண்டுள்ளார் என்பது குறிப்பிடத்தக்கது.
man vs wild நிகழ்ச்சியில் நடிகர் ரஜினிகாந்த் கலந்துகொண்டதாக வெளியான தகவலைத் தொடர்ந்து அவரது ரசிகர்கள் மகிழ்ச்சியடைந்துள்ளனர்.