உலகில் 10 கோடியை நெருங்கும் கொரோனா தொற்று !

கடந்த 2019ஆம் ஆண்டு டிசம்பர் மாதம் சீனாவின் உகான் மாகாணத்தில் தொடங்கிய கொரோனா வைரஸ் என்ற நோய்க்கிருமி மாற்றங்கள் அடைந்து புதிய வகையாக உருமாறும் திறன் கொண்டதாக முன்பு எச்சரித்திருந்தனர் ஆய்வாளர்கள்.  

இந்நிலையில் உலகம் முழுவதும் 2-வது கட்ட கொரோனா அலை, அமெரிக்காவிலும், ஐரோப்பிய நாடுகளிலும் கோர முகத்தை காட்டி வருகிறது. இந்நிலையில், உலகம் முழுவதும் இதுவரை 9 கோடியே 54 லட்சத்து 55 ஆயிரத்து 601 பேருக்கு, கொரோனா தொற்று உறுதி செய்யப்பட்டுள்ளது. கொரோனா பாதிப்பில் இருந்து இதுவரை, 6 கோடியே 81 லட்சத்து 49 ஆயிரத்து 491 பேர் குணமடைந்துள்ளனர்.

கொரோனா தொற்றால் உலகம் முழுவதும், இதுவரை 20 லட்சத்து 38 ஆயிரத்து 936 பேர் உயிரிழந்துள்ளனர். மேலும், கொரோனாவால் பாதிக்கப்பட்டு 2 கோடியே 52 லட்சத்து 67 ஆயிரத்து 174 பேர் சிகிச்சை பெற்று வருகின்றனர்.