சிட்னி:-
ஆஸ்திரேலியாவின் பிரபல கிரிக்கெட் வீரர் டேவிட் வார்னர் தனது மனைவியுடன் தெலுங்கு திரைப்பட பாடல் ஒன்றிற்கு நடனம் ஆடிய வீடியோ தற்பொழுது வைரலாகி வருகிறது.
கடந்த ஜனவரி மாதம் பூஜா ஹெக்டே- அல்லு அர்ஜுன் நடிப்பில் வெளிவந்த தெலுங்கு திரைப்படம் அலா வைகுண்டபுரம்லோ (Ala Vaikundapurramloo).
இந்தத் திரைப்படத்தில் இடம்பெற்ற புட்டப் பொம்மா (Butta Bomma) என்ற பாடல் இந்திய அளவில் மிகப்பெரிய வரவேற்பைப் பெற்றது.
இந்நிலையில் இந்தியாவை கடந்தும் இந்தப்பாடல் தற்பொழுது ஆஸ்திரேலியாவை கலக்கி வருகிறது. ஆஸ்திரேலியாவின் பிரபல கிரிக்கெட் வீரர் டேவிட் வார்னர் தனது மனைவி கேண்டிஸ் வார்னர் உடன் இணைந்து இப்பாடலுக்கு நடனமாடிய டிக் டாக் வீடியோ வை தனது இன்ஸ்டாகிராம் பக்கத்தில் பதிவேற்றியுள்ளார்.
இந்தப் பாடலின் நடுவே இவரது செல்லமகள் “குறுக்கே இந்த கௌஷிக் வந்தா” என்பது போன்று பாடலின் நடுவே க்யூட்டாக ஆடியுள்ளார். தற்பொழுது இந்த வீடியோ இணையத்தில் வைரலாகி வருகிறது.
முன்னதாக டேவிட் வார்னர் தனது மகளுடன் இணைந்து கற்றின கைப் இன் பிரபல பாடலான Sheila Ki Jawani பாடலுக்கு நடமாடி அந்த வீடியோவை பதிவேற்றியிருந்தார்.