2028ம் ஆண்டு அமெரிக்காவின் லாஸ்ஏஞ்சல்ஸ் நகரில் நடைபெற உள்ள ஒலிம்பிக்கில் கிரிக்கெட் விளையாட்டும் இடம்பெறும் என்று சர்வதேச கிரிக்கெட் கவுன்சில் நம்பிக்கை தெரிவித்துள்ளது.
சர்வதேச ஒலிம்பிக் போட்டியில் கிரிக்கெட்டை சேர்க்க வேண்டும் என்பதற்காக கிரிக்கெட் வாரியம் தீவிரமாக பணியாற்றி வருகிறது. அதற்கான பணியில் துரிதமாக இறங்கிஉள்ளோம்.
எங்களுடைய முயற்சிகள் சரியான பாதையில் பயணித்தால் 2028-ம் ஆண்டு லாஸ் ஏஞ்சல்ஸ் நகரில் நடக்கும் ஒலிம்பிக் போட்டியில் நிச்சயம் கிரிக்கெட் இடம்பெறும். 2024-ம் ஆண்டு பாரீஸ் நகரில் நடக்கும் ஒலிம்பிக் போட்டியில் கிரிக்கெட்டை சேர்க்கக் கோரும் மனுவை சர்வதேச ஒலிம்பிக் சங்கத்தில் அளிக்கும் காலக்கெடு முடிந்துவிட்டது.
2024-ம் ஆண்டு 20 ஓவர் உலக கோப்பை கிரிக்கெட் போட்டியை இணைந்து நடத்தும் உரிமத்தை அமெரிக்கா மற்றும் வெஸ்ட் இண்டீசிடம் வழங்க சர்வதேச கிரிக்கெட் கவுன்சில் (ஐ.சி.சி) திட்டமிட்டுள்ளதாக தகவல்கள் வெளியாகியுள்ளன.
2028-ம் ஆண்டு அமெரிக்காவின் லாஸ்ஏஞ்சல்ஸ் நகரில் நடக்கும் ஒலிம்பிக்கில் 20 ஓவர் கிரிக்கெட்டை சேர்க்க ஐ.சி.சி. முயற்சித்து வருகிறது. அமெரிக்காவில், கிரிக்கெட்டை பிரபலப்படுத்தும் வகையில் அங்கு 20 ஓவர் உலக கோப்பை போட்டியை நடத்தினால் ஒலிம்பிக்கில் கிரிக்கெட்டை சேர்க்கும் தீவிர முயற்சிக்கு வலு சேர்க்கும் என்று ஐ.சி.சி. கருதுகிறது.