அமெரிக்கா அதிபர் ஜோ பைடனுக்கு டிரம்ப் வாழ்த்து !

அமெரிக்காவில் நடந்து முடிந்த ஜனாதிபதி தேர்தலில் ஜனநாயக கட்சி வேட்பாளர் ஜோ பிடன் வெற்றி பெற்று, அமெரிக்காவின் 46-வது ஜனாதிபதியாக தேர்வு செய்யப்பட்டுள்ளார். அதனை தொடர்ந்து அமெரிக்க அதிபராக ஜோ பைடனும் துணை அதிபராக கமலா ஹாரிசும்  இன்று முறைப்படி ஏற்றுள்ளனர்.

டிரம்ப் பொதுநிகழ்ச்சிகளில் கலந்து கொள்ளாமல் இருந்த நிலையில், அவரின் உரையை வெள்ளை மாளிகை வெளியிட்டுள்ளது. அதில், அமெரிக்கர்களின் அதிபராக சேவையாற்றியது வார்த்தைகளால் கூற முடியாத பெருமையை தருவதாக குறிப்பிட்டுள்ளார்.

அதனையடுத்து ஜோ பைடனின் பதவி காலம் வெற்றிக்கரமாக அமைய பிரார்த்திப்பதாக கூறியுள்ளார். மேலும் அதிபராக தாம் வந்த வேலையை சரியாக செய்துள்ளதாக கூறிய ட்ரம்ப், தமது ஆட்சிக்காலத்தின் சாதனைகளை பட்டியிட்டு கூறினார்.