‘தடம்’ படத்தைத் தொடர்ந்து பல படங்களில் நடிக்க கமிட்டானார் அருண் விஜய். அதில் ஒரு படம்தான் ‘சினம்’. தேசிய விருதுபெற்ற இயக்குனர் ஜி.என்.ஆர். குமரவேலன் இயக்கும் இப்படத்தில் அருண் விஜய் போலீஸ் அதிகாரியாக நடித்திருக்கிறார்.
இப்படத்தின் ஷூட்டிங் முழுவதும் முடிவடைந்த நிலையில் இறுதிக்கட்ட பணிகளைத் தொடங்கலாம் என்றிருந்தபோது, கொரோனா அச்சுறுத்தலால் சினிமா துறை முடங்கியது. இதன்பின் கொரோனா லாக்டவுன் சமயத்தில் சில நிபந்தனைகளுடன் இறுதிக்கட்ட பணிகளுக்கு அனுமதி வழங்கப்பட்டதைத் தொடர்ந்து ‘சினம்’ படக்குழு டப்பிங் பணிகளைத் தொடங்கியது.
அதன் பிறகு படத்தின் ஃபர்ஸ்ட் லுக் வெளியாகி நல்ல வரவேற்பினை பெற்றது.
அதனையடுத்து படக்குழு தற்போது சினம் படத்தின் டீசரை வெளியிட்டுள்ளது. இதனை பார்த்த ரசிகர்கள் இணையத்தில் ட்ரெண்ட் செய்து வருகின்றனர்.
#sinam #vijay #arunvijay #tamilthisai #tamilmovie #tamilcinema #sinamteaser