இயக்குநராகும் பிரபல நடிகை… என்ன படம் தெரியுமா?

பிரபல நடிகை ரம்யா நம்பீசன் காதலை மையமாக வைத்து குறும்படம் ஒன்றை இயக்கியுள்ளார்.

தமிழில் ஒருநாள் ஒரு கனவு படம் அறிமுகமான நடிகை ரம்யா நம்பீசன், தமிழில் ராமன் தேடிய சீதை, ஆட்டநாயகன், குள்ளநரி கூட்டம், பீட்சா, சேதுபதி ஆகிய தமிழ் படங்களிலும், மலையாளத்தில் சில படங்களிலும் நடித்துள்ளார்.

தற்போது விஜய் ஆண்டனியின் தமிழரசன், ரியோவுடன் பிளான் பண்ணி பண்ணனும் உள்ளிட்ட சில படங்களில் நடித்து வருகிறார். தமிழில் பாண்டிய நாடு, சகலகலா வல்லவன், டமால் டூமில் ஆகிய பல படங்களில் பாடல் பாடியுள்ளார்.

இந்நிலையில் ‘அன்ஹைட்’ என்னும் குறும்படம் ஒன்றை இயக்கியுள்ளார் ரம்யா நம்பீசன்.

காதலை மையமாக வைத்து உருவாகும் இந்த படமானது காதலர் தினத்தன்று வெளியாகவுள்ளது. நடிகை, பாடகி, தற்போது இயக்குநர் என ரம்யா நம்பீசனின் திறமையை திரையுலகம் பாராட்டி வருகிறது.