ரசிகரின் திருமணத்திற்கு சர்ப்ரைஸ் விசிட் அடித்த சூர்யா..!

நடிகர் சூர்யா தமிழ் சினிமாவின் முன்னணி நடிகராக இருந்து வருகிறார். திரைப்படங்களில் நடிப்பது மட்டுமின்றி ஏழைக் குழந்தைகளின் கல்வி, மற்றும் பல்வேறு சமூகம் சார்ந்த உதவிகளை தனது அகரம் அறக்கட்டளையில் மூலம் செய்து வருகிறார்.

இந்நிலையில் சூர்யா தனது ரசிகரின் திருமணத்தில் கலந்துகொண்ட புகைப்படங்களை ட்விட்டர் ட்ரெண்டிங்கில் வைரலாக்கி வருகிறார்கள், சூர்யா நற்பணி இயக்கத்தில் உள்ள வடச்சென்னையை சேர்ந்த ஹரி தீவிர சூர்யா ஃபேன்.

இவரது திருமணத்தை நடத்தி வைக்குமாறு ஹரி சூர்யாவுக்கு கோரிக்கை வைத்துள்ளார். அதனை ஏற்று சூர்யாவும் ஸ்வீட் சர்ப்ரைஸாக திருமணத்திற்கு வந்து தாலி எடுத்துக்கொடுத்து திருமணத்தை சிறப்பாக நடத்திக்கொடுத்துள்ளார். இதனை தொடர்ந்து நடிகர் சூர்யாவிற்கு பல தரப்பிலிருந்து பாராட்டுகள் குவிந்து வருகிறது.