ஆஸ்கார் வாங்கிய திரைப்படம் விஜய் படத்தின் காப்பியா?

4 ஆஸ்கர் விருதுகளை வென்ற பாராசைட் திரைப்படம் நடிகர் விஜய் படத்தின் காப்பி என புரளி வெளியாகியுள்ளது.

நடிகர் விஜய் நடித்து இயக்குனர் கே எஸ் ரவிக்குமார் இயக்கிய மின்சார கண்ணா திரைப்படம் 1999 ஆம் ஆண்டு திரைக்கு வந்தது. இந்தப்படத்தில் விஜய்யின் காதலுக்காக அவர்கள் குடும்பமே தாங்கள் யார் என்பதை வெளிக்காட்டாமல் ஒரு வீட்டில் வேலை செய்வது போல திரைக்கதை அமைக்கப்பட்டிருக்கும்.

இந்தநிலையில் 92 வது ஆஸ்கார் விருது வழங்கும் விழா அமெரிக்காவில் இன்று கோலாகலமாக நடைபெற்றது. இதில் கொரிய படமான பாராசைட் அதிகப்பட்சமாக 4 பிரிவுகளில் விருதுகளை அள்ளியது.

பாராசைட் படத்தில் வறுமையால் வாடும் ஒரே குடும்பத்தினர், பணக்கார வீட்டில் வேலைக்கு சேருவார்கள். இதிலும் தாங்கள் அனைவரும் ஒரே குடும்பத்தினர் என்பதை வெளிக்காட்டமாட்டார்கள்.

அந்தவகையில் முதல் முறையாக விருது வென்ற கொரிய திரைப்படமான பாராசைட், நடிகர் விஜய் நடித்த மின்சார கண்ணா படத்தின் காப்பி என சொல்வதெல்லாம் எந்த வகை புரளியில் சேர்ப்பது என்று தெரியவில்லை.