உடல் ஆரோக்கியம்
உடல் நிலையில் அடிக்கடி பாதிப்புகள் தோன்றி மருத்துவச் செலவுகளை உண்டாக்கும். ஆனாலும் சுறுசுறுப்பாக செயல் படுவீர்கள். தூரப் பயணங்களில் கவனமுடனிருப்பது நல்லது. முன்கோபத்தை குறைத்துக் கொண்டால் வீண் பிரச்சனைகள் தவிர்க்கலாம். குடும்பத்தில் உள்ளவர்களால் சிறுசிறு மருத்துவச் செலவுகள் உண்டாகும் வாய்ப்பு உள்ளது.
குடும்பம் பொருளாதார நிலை
குடும்பத்திலுள்ளவர்களிடம் விட்டுக் கொடுத்து நடந்து கொண்டால் ஒற்றுமை யாக இருக்கலாம் .குடும்ப தேவைகளை பூர்த்தி செய்ய கடன் வாங்க வேண்டியிருக்கும். முடிந்த வரை ஆடம்பர செலவுகளை குறைத்துக் கொள்ளுங்கள்.. உற்றார் உறவினர்களை அனுசரித்து செல்ல வேண்டிய காலம் என்பதால் நிதானமாக பேசுங்கள்.
தொழில் வியாபாரம்
தொழில் வியாபாரத்தில் மந்தமான நிலை ஏற்பட்டாலும் லாபத்தை காணமுடியும். புதிய தொழில் தொடங்குவதில் சில தடைகள் ஏற்பட்டாலும் பலன் உண்டாகும். உடன் பணிபுரியும் தொழிலாளியிடம் விட்டுக்கொடுத்து நடந்து செல்வது அவசியம் .எந்த பிரச்சினை வந்தாலும் எதிர் நீச்சல் போட்டு முன்னேறி விடுவீர்கள்.
உத்தியோகம்
உத்தியோகத்தில் இருப்பவர்களுக்கு வேலை பளு அதிகரிப்பதோடு பொறுப்புகளும் அதிகரிக்கும். அதனால் அதிக நேரம் உழைக்க வேண்டி இருக்கும். பணியில் சற்று கவனமுடன் செயல்படுவது நல்லது. உடல்நலக்குறைவால் அடிக்கடி விடுப்பு எடுக்க நேரிடும்.
விவசாயிகள்
விவசாயிகளுக்கு மகசூல் பெருக்கி லாபங்கள் கிடைக்கும் என்றாலும் வேலை ஆட்கள் கிடைக்க சிரமம் உண்டாகும்.உடல் அசதியால் சரியாக பணியினைச் செய்து முடிக்க முடியாது .எந்த விஷயத்திலும் சற்று சிந்தித்து செயல்படுவது நல்லது.