ரஷ்யாவில் ராணுவ வீரர் ஒருவர் தனது காதலியிடம் தனது காதலை சொல்வதற்காக 16 ராணுவ டேங்கர்களை இதய வடிவில் நிறுத்தி ப்ரபோஸ் செய்த வீடியோ இணையதளத்தில் வைரலாகி வருகிறது.
உலகம் முழுவதும் 14-ஆம் தேதி காதலர் தினம் கொண்டாடப்பட்டது.
அன்றைய தினம் இளைஞர்கள், பெண்கள் தங்களின் பெட்டர் ஹாஃப்க்கு பரிசுகளை பகிர்ந்து கொள்வார்கள்.
அதுபோல் புதிதாக யாருக்கேனும் காதல் மலர்ந்தாலும் அதை அன்றைய தினத்தில் ப்ரபோஸ் செய்து காதல் பயணத்தை தொடர்வார்கள் .
சிலர் வித்தியாசமான முறையில் தங்களின் காதலுக்கு surprise கொடுப்பதும் வழக்கம் . அந்த வகையில் ரஷ்யாவின் அலபினோ பகுதியில் உள்ள ராணு படைப்பிரிவில் வீரராக பணி புரிபவர் டெனிஸ் கென்ஸ்சேவ் .இவர் அலெஸ்சாண்டிரியா என்பவரை காதலித்து வந்தார்.
இது வரை காதலியிடம் தனது காதலை சொல்லாத அந்த இளைஞர், காதலியை காதலர் தினத்தன்று தான் பணியாற்றும் ராணுவத் தளத்திற்கு வரவழைத்துள்ளார்.
அங்கு அந்த ராணுவ வீரர் தனது காதலியிடம் தனது காதலை 16 ராணுவ டேங்கர்களை இதய வடிவில் நிறுத்தி அவற்றின் நடுவில் ரோஜாப்பூ கொத்து ப்ரபோஸ் செய்துள்ளார். தற்போது அந்த வீடியோ இணையதளத்தில் வைரலாகி வருகிறது.