ஐக்கிய அரபு அமீரக தூதர்- முப்படைகளின் தலைமை தளபதியுடன் ஆலோசனை:

டெல்லி:

இந்தியாவிற்கான ஐக்கிய அரபு அமீரகத்தின் தூதரான அகமது அல்பன்னா (Ahmed Albanna) முப்படைகளின் தலைமைத் தளபதி பிபின் ராவத் (Bipin Rawat) உடன் தொலைபேசி வாயிலாக இருநாடுகளிடையே பாதுகாப்பு துறையில் ஒத்துழைப்பு மேற்கொள்வது குறித்த ஆலோசனையினை மேற்கொண்டார்.

மேலும் இருநாடுகளுக்கு இடையேயான  பாதுகாப்பு ஒத்துழைப்பு, ராணுவ தளவாட உற்பத்தி போன்றவை தொடர்பாகவும் ஆலோசனை மேற்கொண்டதாக ஐக்கிய அரபு அமீரக தூதரகம் தெரிவித்துள்ளது.

இந்தியாவின் நீண்டகால நட்பு நாடாக இஸ்ரேல் விளங்கி வருகிறது. இந்நிலையில் பகைநாடுகளாக இருந்த ஐக்கிய அமீரகம் மற்றும் இஸ்ரேல் இடையே ஆபிரகாம் அமைதி ஒப்பந்தம்  ஏற்பட்டுள்ளது. இந்நிலையில் தலைமை தளபதியுடன் அமீரகத் தூதர் பாதுகாப்பு தொடர்பான ஆலோசனையினை மேற்கொண்டது முக்கியத்துவம் வாய்ந்ததாகக் கருதப்பட்டு வருகிறது.