பிரிஸ்பேன் ஓபன் டென்னிஸ் போட்டியில் இருந்து அமெரிக்கா வீராங்கனை வீனஸ் வில்லியம்ஸ் திடீரென விலகியுள்ளார்.கிராண்ட்ஸ்லாம் டென்னிஸ் தொடர்புக்கு முன்னோட்டமாக கருதப்படுவது பிரிஸ்பேன் டென்னிஸ் தொடர். இந்த தொடர் வருகிற ஜனவரி 6ஆம் தேதி தொடங்கி 12-ஆம் தேதி வரை நடைபெறுகிறது. இந்த சர்வதேச தொடரில் விளையாட முன்னணி வீரர்கள் தயாராகி வருகின்றனர்.
மேலும் இத்தொடரில் விளையாடுவதற்கு ரஷ்ய வீராங்கனை மரியா ஷரபோவாவிற்கு “வைல்டு கார்டு” வழங்கப்பட்டுள்ளது.இந்நிலையில் பிரிஸ்பேன் தொடரிலிருந்து விலகுவதாக அமெரிக்க வீராங்கனை வீனஸ் வில்லியம்ஸ் தெரிவித்துள்ளார்.
இது குறித்து கருத்து தெரிவித்துள்ள அவர், பயிற்சி போது ஏற்பட்ட பின்னடைவு காரணமாக தொடரில் இருந்து விலகுவதாக தெரிவித்துள்ளார்.இதனால் வீனஸ் வில்லியம்ஸ்க்கு பதில் மாற்று வீராங்கனை யார் என்பதை ஒருங்கிணைப்பாளர்கள் இன்று அறிவிக்க உள்ளனர்.