பெய்ஜிங்:-
சீனாவைச் சேர்ந்த கோடீஸ்வரர் ரென் ஸிகியாங்க் (Ren Zhiqiang). இவர் ஆளும் கம்யூனிஸ்ட் கட்சியின் உறுப்பினராக உள்ளார். கடந்த 2013ஆம் ஆண்டு வரை கம்யூனிஸ்ட் கட்சியின் முனிசிபல் கமிட்டி உறுப்பினராகவும் இருந்துள்ளார்.
இந்நிலையில் கொரோனா வைரஸ் பரவல் தொடர்பாக சீன அதிபர் ஜி ஜிங்பிங் கையாண்ட விதம் குறித்தும்; அவரை ஒரு அதிகார பசியுள்ள கோமாளி (Clown) என்று விமர்சித்திருந்தார்.
இந்நிலையில் கடந்த சில நாட்களாக கோடிஸ்வரன் ரென் மாயமாகியுள்ளார். அவர் எங்கு இருக்கிறார் என்று இதுவரை எந்த தகவலும் கிடைக்கவில்லை. கடந்த 12ம் தேதிக்கு பிறகு யாரும் அவரைப் பார்க்கவில்லை.
சீனாவை சேர்ந்த சவுத் சைனா மார்னிங் போஸ்ட் (South China Morning Post) என்ற செய்தி நிறுவனம், அவரை தொடர்பு கொள்ள முயற்சித்தது. ஆனால் அவரது மொபைல் எண் அனைத்து வைக்கப்பட்டுள்ளதாக தெரிகிறது.
சீன கம்யூனிஸ்ட் கட்சியில் நீண்ட கால உறுப்பினராக இருந்து வருகிறார் ரென். இவர் தனது தைரியமான கருத்துக்களுகாக பிரபலமானவர். கட்சியில் அவரை பீரங்கி (The Cannon) என்று அழைப்பார்கள்.
இவர் ஜி ஜிங்பிங்-ஐ விமர்சிப்பது முதன்முறை இல்லை. ஏற்கனவே 2016ம் ஆண்டு அவரை மிகக் கடுமையாக விமர்சித்துள்ளார். அதோடு தனது கருத்துக்களை அழிக்கக் கோரி தான் நிர்ப்பந்திக்கப்பட்டதாக கூறி பரபரப்பை ஏற்படுத்தியவர்.