பிரபல MoneyHeist சீரிஸ், வரவிருக்கும் 5வது சீசனுடன் நிறைவடைவதாக நெட்ஃபிளிக்ஸ் (Netflix) நிறுவனம் அறிவித்துள்ளது.
பிரபல ஸ்பானிஷ் வெப் சீரிஸான மணி ஹெய்ஸ்ட் (La Casa De Papel) கதை சொல்லும் பாணி, பெண்ணிய சிந்தனை, டார்க் காமெடி, அற்புதமான திரைக்கதை போன்ற காரணங்களுக்காக உலகளவில் பெரும் வரவேற்பைப் பெற்ற தொடராகும்.
இதில் வரும் ப்ரொஃபஸர் என்ற கதாபாத்திரம் பெருவாரியான ரசிகர்களை கொண்டது. இந்த வெப்சீரிஸ் இந்தியாவிலும் ஏராளமான ரசிகர்களை கொண்டுள்ளது குறிப்பாக ப்ரொஃபசர் கதாபாத்திரத்திற்கு.
இந்நிலையில் இந்த மணி ஹெய்ஸ்ட் வெப்சீரிஸ் வரவிருக்கும் ஐந்தாவது சீசனுடன் நிறைவடைய உள்ளதாக நெட்வொர்க்ஸ் நிறுவனம் அறிவித்துள்ளது. ஐந்தாவது சீசனில் மொத்தம் 10 எபிசோடுகளோடு இந்த மணி ஹெய்ஸ்ட் தொடர் நிறைவடையவுள்ளது.
ஆங்கிலமற்ற பிற மொழி வெப் சீரிஸ் ஒன்று உலக அளவில் பிரபலம் அடைந்தவற்றில் முக்கியமானது மணி ஹெய்ஸ்ட். கடந்த ஏப்ரல் மூன்றாம் தேதி இதன் நான்காவது பாகம் ரிலீஸானது. ரிலீசான முதல் மாதத்திலேயே 65 மில்லியன் மக்களால் பார்க்கப்பட்டது குறிப்பிடதக்கது.