இயக்குநர் மணிரத்னம் இயக்கத்தில் கடந்த 2017 ஆம் ஆண்டு வெளியான “காற்று வெளியிடை” படத்தில் நாயகியாக நடித்ததன் மூலம் தமிழ் சினிமாவில் கதாநாயகியாக அறிமுகமானார் அதிதிராவ் ஹைதிரி. இந்த படத்தில் கார்த்திக்கு ஜோடியாக நடித்திருந்த இவரின் நடிப்பு சினிமா விமர்சகர் மத்தியில் பெரிதும் பேசப்பட்டது.
அதனையடுத்து மணிரத்னம் இயக்கத்தில் செக்க சிவந்த வானம், மிஷ்கின் இயக்கத்தில் சைக்கோ போன்ற படங்களில் நடித்து பலரின் கவனத்தை ஈர்த்தார். தற்போது தமிழ் மற்றும் தெலுங்கு மொழிகளில் தயாராகும் மகா சமுத்திரம் என்ற படத்தில் நடித்து வரும் அதிதிராவ் ஹைதிரி கதைக்கு தேவையென்றால் கவர்ச்சியாக நடிக்க தயார் என்று கூறியுள்ளார்.
இது தொடர்பாக அவர் அளித்துள்ள பேட்டியில், “எந்த மாதிரியான சவாலான கதாபாத்திரத்திலும் நடிக்க தயாராக இருக்கிறேன். நான் இப்படி தான் நடிப்பேன், அப்படி நடிக்க மாட்டேன் என்று எல்லாம் எந்த நிபந்தனையும் வைக்க கூடாது. கவர்ச்சியாகவும், உணர்ச்சிகரமான முத்த காட்சிகளிலும் நடிக்க தயாராக இருக்கிறேன். ஆனால் அது கதைக்கு தேவையாக இருக்க வேண்டும். அப்படி தேவை இருந்தால் முத்தம் கொடுக்கவும், கவர்ச்சியாக நடிக்கவும் நான் தயாராக இருக்கிறேன்” என்றார்.
#tamilcinema #aditirao #cinematrending #CineUpdate #hotpic #Hotactress #kattruveliyidai #manirathnam #TamilThisai