நடிகர் பிரசாந்த் நடிக்கவுள்ள அந்தாதுன் படத்தின் தமிழ் ரீமேக்கை இயக்குனர் மோகன் ராஜா இயக்க உள்ளதாக தகவல் வெளியாகி உள்ளது.
கடந்த 2017 ஆம் ஆண்டு ஹிந்தியில் ஆயுஷ்மான் குரானா, தபு நடிப்பில் வெளியாகி பெரும் வரவேற்பை பெற்ற திரைப்படம் ‘அந்தாதுன்’. பிரெஞ்சு படத்தின் தழுவலாக உருவான இப்படத்தின் தமிழ் ரீமேக்கை பெற தனுஷ்,சித்தார்த், பிரசாந்த் உள்ளிட்ட முன்னணி நடிகர்கள் இடையே கடும் போட்டி நிலவியது.இறுதியில் நடிகர் பிரசாந்த் இந்த படத்தின் தமிழ் ரீமேக் உரிமையை கைப்பற்றினார்.
தற்போது இந்தப் படத்தை இயக்குனரும், நடிகர் ஜெயம் ரவியின் சகோதரருமான மோகன் ராஜா இயக்க உள்ளதாக தகவல்கள் வெளியாகியுள்ளன.
ரீமேக் படங்களை இயக்குவதில் வல்லவர் மோகன் ராஜா. இதனால் அந்தாதுன் படத்தை இயக்க இவர் தான் சரியான ஆள் என்று பிரசாந்த் தரப்பினர் முடிவு செய்துள்ளதாக தெரியவந்துள்ளது.
ஆனால் மோகன் ராஜா கடைசியாக வெளியான தனி ஒருவன், வேலைக்காரன் ஆகிய படங்களை நேரடி தமிழ் படமாக இயக்கியிருந்தார் என்பது குறிப்பிடத்தக்கது