நடிகர் தனுஷ் நடித்துள்ள பட்டாஸ் படத்தின் டிரைலர் இன்று வெளியானது.இயக்குநர் துரை செந்தில்குமார் இயக்கத்தில் நடிகர் தனுஷ், நடிகைகள் சினேகா, மெஹ்ரின் ஆகியோர் நடித்துள்ள திரைப்படம் “பட்டாஸ்” . விவேக் மெர்வின் இசையமைத்துள்ள இப்படம் பொங்கல் வெளியீடாக ஜனவரி 16ம் தேதி ரீலிசாக உள்ளது. இந்த படத்தில் தனுஷ் இரட்டை வேடங்களில் நடித்துள்ளார். ஏற்கனவே துரை செந்தில்குமார் இயக்கிய கொடி திரைப்படத்திலும் தனுஷ் இரட்டை வேடங்களில் நடித்திருந்தார்.
இந்த நிலையில் பட்டாஸ் படத்தின் டிரைலர் இன்று வெளியிடப்பட்டுள்ளது. இதில் நடிகர் தனுஷ் அப்பா மற்றும் மகன் வேடங்களில் நடித்துள்ளார். “மண்ணின் கலைகளை அடுத்த தலைமுறைக்கும் கற்றுக்கொடுக்கவேண்டும்” என்பது தொடங்கி, “அப்பாவின் பெயரை காப்பாற்றும்படி நடந்து கொள்வதே மகனுக்கு பெருமை”என்ற வசனங்களோடு படத்தின் டிரைலர் வெளியாகியுள்ளது.நிச்சயம் இப்படம் தனுஷ் ரசிகர்களுக்கு மிகச் சிறப்பாய் அமையும் என்பதில் எந்த சந்தேகமும் இல்லை. மேலும் இது தொடர்பாக #PattasTrailer , #PattasPongal என்ற ஹேஸ்டேக்குகள் ட்விட்டரில் ட்ரெண்டாக்கி வருகிறது.