அறிமுக இயக்குனர் அருண் மாதேஸ்வரன் இயக்கத்தில் தரமணி நடிகர் வசந்த் ரவி, பாரதிராஜா, ரவீனா ரவி உள்ளிட்டோர் நடித்துள்ள படம் ராக்கி.
தர்புகா சிவா இசையமைத்துள்ள இந்த படத்திற்கு ஸ்ரேயாஸ் கிருஷ்ணா ஒளிப்பதிவு செய்துள்ளார்.
ராக்கி படத்தின் வெளியீட்டு உரிமையை நயன்தாரா மற்றும் விக்னேஷ் சிவனின் ரவுடி பிக்சர்ஸ் நிறுவனம் கைப்பற்றி உள்ளது.
சமீபத்தில், இப்படத்தின் டீசர் வெளியாகி கவனம் ஈர்த்தது. இப்படத்தை திரையரங்கில் வெளியிட பணிகள் நடைபெற்று வந்த நிலையில், கொரோனா 2-வது அலை பரவல் தமிழகத்தில் தீவிரமடைந்து, திரையரங்குகள் மூடப்பட்டது.
இந்நிலையில் தற்போது இந்த படம் ஓடிடி தளமான சோனி லைவில் ரிலீஸ் செய்ய உள்ளதாக தகவல்கள் வெளியாகியுள்ளது.
ஏற்கனவே, சோனி லைவ்வில் விஜய் சேதுபதியின் ‘கடைசி விவசாயி, சிவகார்த்திகேயன் தயாரித்துள்ள ‘வாழ்’, கார்த்திக் நரேனின் ‘நகரகாசூரன்’ உள்ளிட்டப் படங்கள் வெளியாகவுள்ளது என்பது குறிப்பிடத்தக்கது.